Maikling Kwento By Manny Ison Batch 1986

Ang lolo ni Chuck na NHS batch 90 ay biktima ng tama ng bala noong nakaraang ikalawang digmaang pandaigdig. Tinamaan siya sa puno ng tainga ng pumasok malapit sa ilong. Noong mga panahong iyon ay hindi pa kaya ng operasyong medikal kung paaano matatanggal ito. Sa madaling salita, buhay pa ang matanda ngunit nakapirmis lang ang bala loob ng kaniyang ulo. Ilang taong pinagtitiisan ito ng kaniyang lolo sa tuwing tag-ulan at taglamig. Kumikirot kasi ang tingga na lumilikha ng sakit o kirot. Noong nakaraang taong 2000, habang nakaupo ang lolo ni Chuck ay nabahing ito at sa di inaasahang pangyayari ay lumabas sa kaniyang ilong ang tingga. Kinuha ito ni Chuck at itinago bilang alaala. Di kalaunan ay namatay ang kaniyang lolo. Marahil na hinintay lamang ang paglabas ng naturang tingga bago siya mamatay.