Maikling Kwento By Manny Ison Batch 1986

Linggo, Pebrero 8, 2009

ANG ALITAN

Isang lalaki ang biglang humatak sa damit ng isang babae na nasa hustong gulang na naglalakad sa
isang palengke sa Cubao. Napatingin ang karamihang tindera sa lugar.

“walanghiya kang babae kang babae ka! katanghaliang tapat dito lang pala kita makikita!” sigaw ng lalaki

Akmang magsasalita ang babae ngunit sinampal ito ng lalaki.

“wag ka ng magsalita taksil na babae, nilulustay mo lang pala ang pera ko dito ng nasa abroad ako!,
kawawa ang ating mga anak na nagugutom, nanlalalaki ka pa yata taksil!”

Isang tindero ang nagmalasakit sa nag-aaway.

“brod pag-usapan niyo yan wag dito nakakahiya”

“away mag-asawa ito brod wag kayong makialam!” wika ng lalaki

“hu hu hu hindi ko alam ang sinasabi mo hindi kita ki....!

Pak! isang sampal ulit ang inabot ng babae sa lalaki

“wag ka na sabing magpaliwanag, hudas ka! akina ang pera ko lahat ng nilustay moi!”

“hu hu hu wag maawa ka sa akin hindi kita...!”

Pak! sabi nang tumigil ka! akina ang pera ko taksil, sayang ang pagod ko sa Saudi sa panglulustay mo!”

Hinablot ng lalaki ang bag ng babae. Habang umawat ang isa pang kalbong lalaking nag-uusyoso.

“pare wag maawa ka sa babae, may dugo na labi o, pag-usapan niyo yan tama na please maawa ka!”

Bog! isang sapak ang inabot ng kalbong lalaki. Bumulagta ito sa lapag.

“sabi nang wag kayong makialam sa away mag-asawa, mamaya Elena, magkita sa bahay ng nanay ko pag-usapan natin ito maghihiwalay na tayo!”

Tumalilis ang lalaki. Pumasok sa isang eskinita at biglang naglaho.

“hu hu hu bakit di niyo ako tinulungan, hindi ko kilala ang lalaking iyon, wala akong asawa at anak, dalaga ako
hu hu hu, isang snatcher yun hu hu hu” tangis ng babae

Nagulantang sang lahat sa narinig.

Sa isang pondahan sa Sta Mesa ay kumakain ng sopas ang mahiwagang lalaki. Nilapitan ito ng isang lalaking
kalbo. Ang lalaking umawat kanina sa alitan.

“bukol! langya ka napuruhan mo ako kanina, dapat malaki parte ko” wika ng kalbong lalaki

“utot mo, mas mahirap ang ginawa ko pang famas yun, tara kain ka na at bukas uli sa Alabang naman”


ARAL: Mag-ingat sa ganitong sitwasyon mga kababaihan.
posted by RCGoCreations at 11:07 AM

0 Comments:

Mag-post ng isang Komento

Links to this post:

Bumuo ng isang Link

<< Home