Maikling Kwento By Manny Ison Batch 1986

Huwebes, Pebrero 5, 2009

PILOSOPO TOTO

Isang araw naglalakad si Toto ,isang mensahero ng isang kumpanya. Kilala siyang
pilosopo sa lugar. Madalas siyang mahuli sa pagpasok kung kaya’t nanganganib na
siyang matanggal sa trabaho. Sumakay siya ng jeep patungong opisina.Napansin niyang
duling ang drayber ng jeep at gusto niya itong dayain. Otso peso ang minimum sa pasahe
at inabutan niya ito ng kwatro piso.

“san galing ito?” tanong ng drayber ng magbayad si Toto

“sa bulsa ko” sagot nito

“alam ko sa bulsa mo, saan bababa?”

“e di sa jeep niyo”

“brod di ako nakikipagbiruan sa inyo”

“oo nga di ba drayber kayo?”

“e lahat ng sinasabi mo mali e”

“tama naman a, galing iyan sa bulsa ko at bababa ako sa jeep niyo”

“oo na nga , kulang ang bayad mo otso ang minimum?’ wika ng drayber

“oo nga di ba otso yan?”

“oo otso ito e kaso bayad ng kakambal mo kapatid mo ba yan?”

Natalo si Toto ng oras na iyon sa biruan walang nagawa kundi ibigay ang kwatro piso pa.
Papasok sa opisina ay nakasalubong siya ng kanilang sekretarya.

“hi!” bati nito

“low” sagot ni Toto

“antipatiko” bulong ng babae

“antipatika” bulong ni Toto

Nasalubong niya ang amo niyang saksakan ng taba.

“late ka na naman, lagi na lang puro warning ka na sa akin”

“sir sorry po trapik lang”

“sige trabaho na, marami ka pang lalakarin”

“sir mamasahe po ako mahirap maglakad”

“a letse sige na nga, pilosopo!”

Nakatalikod na ang amo ng bumulong si Toto.

“talaga itong si Santa oo, magpapasko na kasi kaya kaging putak ng putak”

“ano sinabi mo! si Santa kamo ganun ha, siSante ka na ngayon!” galit na wika ng amo na narinig
ang bulong ni Toto.

Tanggal sa trabaho si Toto lulugo-lugong umuwi ito. Sa kaniyang paglalakad ay nadapa ito. nakita siya ng duling na
drayber ng jeep na kaniyang nasakyan kanina.

“o, ilang dalag nahuli niyo, kasi naman maghiwalay naman kayo lagi kayong magkadikit!” biro nito sabay andar ng jeep

“hoy teka! para!” sigaw ni Toto

“puno na pare!” pahabol ng drayber

“letseng buhay ito o, hirap pa namang sumakay dito” bulong ni Toto

Beeeep!!! nahagip ng jeep si Toto..

“sir sir! wika ng drayber, gising na po garahe na po kami” wika ng drayber ng jeep na sinasakyan ni Toto

‘a e, grabe nakatulog ako, teka di pa pala ako ngabayad ito o, sayo na sukli, thank you ha”

“sir malaki ito malayo pa ang pasko ha”sagot ng drayber

“okey lang yan isang buwan na lang e, grabe nanaginip ako ha, sige pare”

“merri krismas ser” wika ng drayber

“meri krismas din” sagot ni Toto

Nagbago na si Toto simula ng araw na iyon.
posted by RCGoCreations at 10:35 AM

0 Comments:

Mag-post ng isang Komento

<< Home