Maikling Kwento By Manny Ison Batch 1986

“san ba kayo mga pare?” tanong ni Fidel na isang driver ng taxi

“sa BIR road pare malapit sa LTO” sagot ni Rufo na isang notorious na holdaper
sa kamaynilaan.

Kasama niya si Turko na isang kaibigan at isang salot din ng lipunan. Mag 30 anyos na si Rufo sa susunod
na buwan. Nagkaanak siya kay Luisa na isang katulong na kaniyang nakilala. Tumira sila sa Litex sa
lungsod ng Quezon at biniyayaan ng isang anak na lalaki. Disinuwebe anyos si Rufo ng magsimulang
mang-holdap dahil sa kahirapan ng buhay. Naghiwalay ang kaniyang mga magulang at siya’y iniwang
palaboy sa lansangan. Dito niya nakilala sina Turko at ang iba pang mga kasamahang palaboy na
minalupitan ng tadhana. Sa kaniyang pagiging holdaper ay di pa siya nahuhuli at di pa rin siya nakapapatay.
May takot pa rin siya sa Diyos. SI Turko ay nakapatay na ng mga apat. Naging piping saksi si Rufo sa kanilang
mga krimen. Nakokosensiya rin siya sa kaniyang gawain nguni’t wala siyang ibang pagkakakitaan. Itinutulak nila
ang kanilang nakaw sa isang tao sa Masangkay Maynila at dito ibinebenta ng mga kasamahan.


Nagplano na si Rufo na huling krimen na niyang gagawin ito. Magpapakalayo sila ng kaniyang asawa
at doon na maninirahan. Di niya ito sinasabi sa mga kasamahan sa takot na siya ay pagbalingan ng galit
ng mga itoi at patayin. Ngun’it pinaliwanag niya sa mga ito na siya ay magpapalamig muna sa pagka-
linga sa kaniyang anak na sinang-ayunan naman ni Turko. Huling hirit niya ang holdap na gagawin
sa mga oras na iyon upang magamit ang pera sa planong pagbabagong buhay.

“mukhang huling biyahe muna to pards” wika ni Rufo

“opo, pagarahe na nga po ako, kanina pa akong madaling araw” sagot ng driver

“marami ka yatang anak kaya kayod marino ka”

“di naman, binata nga ako e, sa katunayan malungkot ako dahil sa pag break sa akin ng syota ko”

“ilan taon ka na ba?”

“32 na ako gusto ko na nga mag-asawa at magkaanak”

“oo masarap ang buhay pamilya lalo na me anak na tutulong sa iyo pagtanda mo”

Bigalng umiyak ang driver.

“hu hu hu, walanghiya siya pinaasa niya ako sasama pala siya sa iba!

“a...a bakit pare, wag kang mag histerikal tumingin ka sa manibela!” bilin ni Rufo

Gumewang ang taxi.

“hayup siya ayoko nang mabuhay sa mundong ito ayoko na!!!!!” sigaw ng driver

Ibinangga ng driver ang taxi sa isang pader sa bilis na 100 KPH. Lumabas si Rufo sa unahan ng kotse.
Lumagapak ang kaniyang katawan sa semento. Nanlabo ang kaniyang paningin at tuluyang nalagutan
ng hininga. Kapwa wala ng buhay ang tatlo. nadamay sina Rufo sa di inaasahang aksidente. Di na
naisakatuparan ang pag-asang magbagong buhay.