Maikling Kwento By Manny Ison Batch 1986

Martes, Pebrero 10, 2009

ANG PAMILYA NG ASWANG

Isang lugar sa Tabuk Suba sa Jaro Iloilo ang maraming nakakikilala kay Mariang Aswang, ngunit lingid sa kaalaman ng lahat isang simpleng pamilya ng aswang ang nakatira sampung kilometro mula sa ilog malapit sa tirahan ni Maria, ito ay ang pamilya ni Tonio.

Si Tonio ay may dalawang anak na lalaki na lubhang mahal na mahal niya. Nasa ika apat na grado na ang panganay na si Dong at ikatlong grado naman ang bunso na si Nunoy. Maagang namayapa ang kanilang ina ng maaksidente ito sa bayan ng Capiz ng isang araw na nagnegosyo ito. Mag-isang tinaguyod ni Tonio ang pagpapalaki sa anak. Ang mga anak ay ang itinuturing niyang mga anghel na magliligtas sa kaniya sa kahirapan.

May lahing aswang si Tonio, siya ay nagpapalit ng anyo ng iba't-ibang hayop base sa kaniyang kagustuhan. Ipinaliwanag niya ang taglay na kapangyarihan ng kanilang lahi sa dalawang anak upang hindi sila mabigla kalaunan. Naintindihan naman ito ng mga bata at nangakong di gagamitin ang kapangyarihan sa kasamaan lalo na't sasapit ang kabilugan ng buwan.

Isang araw ay nagbilin siya sa kaniyang mga anak na luluwas ng bayan at doon na magpapalipas ng gabi at kinabukasan na uuwi.

"Dong wag kayong mag-aaway ng kapatid mo ha, matulog ng maaga at luluwas lang ako ng bayan upang mamakyaw ng paninda"

"opo itay, ako na po ang bahala kay Nunoy"

"tay pasalubong po a gusto ko yung baril-barilan" wika ni Nunoy

"sige mga anak ako ang bahala sa pasalubong niyo"

"yeheeey salamat po tatay" wika ng mga bata

Habang sa kasagsagan ng gabi, napansin ng mga bata na mapula ang buwan at sila ay nag-alala.

"Noy, kabilugan pala ng buwan ngayon. mag-iiba tayo tara at gamitin natin sa paglalaro"

"sige kuya pero sabi ni tatay, bawal mag sa leon o tigre kasi baka makasakit tayo ng tao"

'sige, maghabulan tayo" at biglang nagsapusa si Dong

Hinabol naman siya ni Nunoy na nagsa aso at ng maabutan ay nahawakan si Dong na naghulagpos at nagsa ahas. Nakawala ito kay Nunoy dahil madulas kaya't nagsa ahas din din ang huli at nagpuluputan ang dalawa sa lupa. Kumawala si Nunoy sa lakas ng kapatid at nagsa ibon ito at lumipad. Hinabol ito ni Dong na nagsa ibon din.Malayo ang kanilang narating ng biglang dinagit ang dalawa ng isang malaking agila.Kaagad na pinatay ang dalawa sa nakakuyom na mga daliri nito. Dinala ito sa isang puno at doo'y kinain. Busog na bumaba ang agila mula sa puno at nang mag-aalas 4 na ng madaling araw ay nagbago ng anyo, ito pala ay si Tonio.

"burrrrp hay, salamat at nairaos ko ang sumpa sa pamamagitan ng isang agila, mabuti na ito at di nakakapaminsala sa mga taong lupa, ayos na ang hapunan ko isipin mo nakatsamba pa ako ng dalawang ibon sa madilm na langit, maya maya lang babalik na ako sa mga anak ko siguradong gutom na mga yun alam kong kinontrol nila ang sumpa sa pamamagitan ng paglalaro di ko pa naman naabisuhan na kabilugan ngayon, ay naku ang mga pina kamamahal kong mga anak miss ko na sila"

Wala ng daratnan si Tonio, ang kaniyang mga anak ay kaniya nang iluluwal mamaya sa palikuran sa likod ng kanilang bahay.
posted by RCGoCreations at 11:09 AM

1 Comments:

wow!!
ang aling nun!!

sana my karugtong!

Marso 26, 2009 nang 11:29 AM  

Mag-post ng isang Komento

Links to this post:

Bumuo ng isang Link

<< Home