Maikling Kwento By Manny Ison Batch 1986

Ano sinabi ni David Blaine at David Copperfield sa iyo Tomas isa kang magaling na mahikero ngayong nasasaiyo na ang taglay na dugong pusa" wika ng isang dalubhasa sa agham na si Prof Santi. Kinuha niya ang taglay na "cells" ng pusa at inilagay kay Tomas na kaniyang alalay sa anim na taon ng pag-aaral. Isang simpleng tao na hindi nakatungtong ng haiskul at karaniwang nilalait ng kaniyang mga kapitbahay sa kamangmangan.

"Prof sigurado ba kayo na may taglay na akong kapangyarihan?"tanong ni Tomas

"oo naman Tomas masinsin kong pinag-aralan ang lahat ng iyong kalamnan at maging ang hibla ng iyong utak at maging ang pusa aking kinatay upang mailagay sa iyo ang galing nito"

"makakakita na ako sa gabi ng malinaw?

"oo"

"makakatakbo na ako ng matulin?"

"oo, pero hindi iyan ang katangiang gusto kong gawin mo, gagamitin natin sa negosyo ang iyong maraming buhay, dadaigin natin sina Sorcar Jr, Chris Angel at ang iba pang mga magician, kikita tayo ng limpak limpak na salapi he he he"

Nagtayo ang Propesor ng isang gusali upang ganapin ang pambihirang panoorin. Nakahanda roon ang isang malaking pana at nakatali si Tomas sa isang target range upang ipakita sa tao na siya ay papatayin ngunit mabubuhay na muli. Ito ay pinanood ng halos tatlong libong tao at mahigit pa ang hindi nakapasok sa gusaling umuokupa lamang sa takdang bilang. Dalawang daan ang halaga ng tiket at malaking pera ang kanilang nakuha.

"presto!" sigaw ng propesor

Pumailanglang ang palaso at bumaon sa murang katawan ni Tomas na hakab ang kasuotang napapalamutian ng makikislap na buton.

"tsug!" aray! prop baka mamatay ako dito masakit!" sigaw ni Tomas

"mamatay ka sandali pero makalipas ang tatlong minuto magigising ka ulit pag hugot ko ng palaso"

Sigawan at gimbal ang mga nanonood. Nakahanda ng damputin ng mga pulis ang Propesor ngunit nagpaunlak ang mga maykapangyarihan ng tatlong minuto. Patay na si Tomas, lupaypay ang ulo nito at dinadaluyan ng masaganang dugo ang kaniyang katawan.

Makalipas ang tatlong minuto ay hinugot ng propesor ang palaso at tinakpan ang sugat. Sinampal ang lupaypay na ulo ni Tomas, pagkuwa'y nagising at nakatawa pa ito na parang kagigising lamang na wala ng nararamdamang sakit.

Di magkamayaw ang mga tao sa kanilang nakita, tinawag nila si Tomas na pusa o Tomas Pusa at sa kalauna'y Tom Cat.

Nakilala ang kanilang palabas sa buong mundo at inimbitahan na sila sa mga malalaking Coliseum.

Ang kanilang mga palatuntunan ay ang mga sumusunod:

Ang pagbibigti
Ang paglunod
Ang pagbundol
Ang pagbaril
Ang pagsasaksak
Ang pagbabad sa yelo ng isang araw
Ang pag-inom ng pintura, insecticide at lason

Naging milyunaryo ang Propesor at si Tomas, isang araw ay nagtanong ito sa propesor.

"prop, bakit di natin putulin ang bahagi ng katawan ko upang lalong masiyahan ang mga tao"

"di pwede Tomas, hindi sakop ng kapangyarihan ng pusa ang pagsira o pagputol sa katawan mo, sila may mamatay din kapag naputol ang katawan"

"ganun ba, e di kayo nalang ang puputulin ko eto sa iyo!"

"tsak!" tinaga ni Tomas ang propesor, naghihingalo na ito

"mabuti nang solo ko ang palabas, pang siyam na buhay ko na ang huli at hindi na mauulit he he he sisingil ako ng mas malaking halaga ng tiket"

Medyo nagsalita ang propesor bago namatay.

"unngggg, Tomas wag munang ituloy ang palabaaaasss agh"

Tinaga muli ito ni Tomas.

"tumigil kang matanda ka, solo ko na ito at wag ka nang makialam.

Sumunod na linggo ay inihanda ni Tomas ang palabas na pinamagatang "Ang paglilibing ng buhay". Sa isang kilalang sementeryo niya ginawa ang palabas. Ang mga bayad ng mga manonood ay idineposito nila sa banko ni Tomas bago ang palabas upang makasigurong bayad ay isang tiket bawat isa ang ibinigay ng bawat bangko sa mga ito. Nagpalakpakan ang mga tao ng inilibing na si Tomas. Isang linggo ang palilipasin bago ito hukayin.

Sa loob ng nitso anim na talampakan sa ilalim ng lupa ay nagmumuni-muni si Tomas. Naisip niya ang huling sinabi ng propesor bago ito mamatay.

"bakit kaya ayaw niya ipatuloy ang palabas" bulong ni Tomas

Unti-unti ng di nakakhinga si Tomas sa ilalim, malapit na siyang mamatay. Nakita niya ang kaluluwa ng propesor sa kaniyang ibabaw.

"Tomas, taksil ka, para sa iyo ang ginagawa natin di para sa akin , di mo ba alam na matapos ang huli nating palabas ay mag-aaral ka na, nakahanda na ang mga gagamitin mo sa iskwela sa kawarto ko" wika ng propesor sa malamig na tinig

"bakit may isa pa naman tayong palabas ha, niloloko mo ako" sagot ni Tomas

"wala na Tomas, siyam lang ang buhay mo"

"e pang siyam na palabas natin ito a"

"hindi Tomas, pang siyam na iyong naglason ka, ang isang buhay ay nagamit na ng patayin ko ang pusang eksperimento ko"

"hindi, ibig sabihin tuluyan na akong malilibing dito! ayoko waaa, tulungan niyo ako! hukayin niyo ako waaaa!!!!!

"Tomas, hihintayin na lang kita ha, may gagawin pa tayong palabas sa kabilang buhay ha ha ha!!!

"wag maawa kayo tulungan niyo ako waaaaaaa!!!!!!!