Maikling Kwento By Manny Ison Batch 1986

"lalaban ako sa rebolusyon itay"

"anak bata ka pa, marami ka pang dapat matutuhan hindi ang ibang bagay, lalaki ka at makakapag-asawa at magkakaanak, lalagay ng tahimik sa buhay"

Ito ang mga pangitain ni Yusuf, isang musikero at kompositor na muslim. Isang awit ang kaniyang ginawa patungkol sa mga pangitain niyang iyon sa isang mag-ama.

Sa mura niyang edad aY nahiligan niya ang musika. Noong 15 limang taon siya ay sikat na sikat ang grupong "the Beatles". Nais niyang maipamahagi rin ang kaniyang galing sa paglikha ng awit. Nag-aral siyang gumitara. Ibinili siya ng kaniyang amang isang "Greek Orthodox" ng gitarang yari sa Italia. Bagamat mumurahin lang ito noon ay pinag-aralan niya ang mga tipa ng kaniyang awit.

Nadiskubre siya ng isang taong nagdala sa kaniya sa isang Bar, dito ay tumugtog siya ng kaniyang mga awit. Hinangaan siya ng mga tao at dito nag-umpisa ang kaniyang kasikatan sa buong Europa. Nagkaroon siya ng isang "manager" at ito ay umayos ng kaniyang mga "gigs" at pagsasaplaka ng kaniyang mga awitin. Bumenta ang kaniyang mga plaka at umani siya ng sapat na pera. nagkaroon siya ng album mula 1967-1978. Una niyang "major concert" ay nilahukan ng halos anim na milyong manood na humahanga sa kaniya.

Ang kaniyang musika ay may temang "folk" na naglalahad ng mga bagay-bagay patungkol sa sangkatauhan. Isang sakit ang tumama sa kaniyang katawan na ikinatigil ng kaniyang namamayagpag na kasikatan. Tuberkulosis ang kaniyang naging sakit. Nagpagaling siya at matapos ang mahigit isang taon ay bumalik siya sa mundo ng musika at dinala niya ang kaniyang awit sa Amerika. Umani ng parangal at paghanga ang kaniyang mga awit sa bansang iyon at siya ay nakilala sa buong mundo.

Binahagian siya ng kaniyang kapatid ng isang aklat na "qoran" noong kasikatan niya. Binasa niya ito at naunawaan ang nilalaman. Namangha siya sa buhay ni Mohammed, na huling propeta ayon sa aklat na banal. Dito siya nagdesisyon na itigil ang musika at tumulong na lang sa mga proyektong makatutulong sa mga bata at mga mahihirap. Nagpalit siya ng relihiyon at dito siya naging Islam. Huli siyang nag konsiyerto noong 1976 na pinamagatang Majikat. Nilahukan ito ng mga mahikerong panauhin bilang pampaganda sa palabas.

Muling umawit si Yusuf Islam noong 1998. Inabangan ng lahat ang kaniyang pagbabalik sa mundo ng musika ngunit ito ay panandalian lamang. Binalikan niya lamang ang kaniyang mga awit noon. Gumawa ang isang "record company" ng isang "compilation album" ng kaniyang mga awit na bumenta noong 2001.

Sa ngayon siya ay abala sa kaniyang mga proyekto at aktibo sa kaniyang relihiyong Islam. Siya si Yusuf Islam, ang dating si Cat Stevens na nagpasikat ng kantang "Father & Son" at "Wild World". Siya ang isang ehemplo na handang iwanan ang mundong kaniyang kinasikatan alang-alang sa kapakanan ng nakararami.